రామానాయుడి వ్యాపార రహస్యం

సంపన్నులదంరిదీ ఒకే కులం, ఒకే పార్టీ. ఈ విషయాన్ని ప్రముఖ నిర్మాత రామానాయుడు నిరూపించారు. గతంలో చంద్రబాబు నాయుడు అధికారంలో ఉన్నప్పుడు రామానాయుడు ఆయన వెన్నంటి ఉన్నారు. బాపట్ల లోక్ సభ నియోజకవర్గం నుంచి గతంలో తెలుగుదేశం పార్టీ తరఫున గెలుపొందిన ఆయన కాంగ్రెస్ ప్రభుత్వం అధికారంలోకి రాగానే వైఎస్ కు సన్నిహితంగా నడుచుకుంటున్నారు.

వైజాగ్ లో రామానాయుడి స్టూడియో కోసం ప్రభుత్వం నామమాత్రపు ధరకు దాదాపు 40 ఎకరాలు కేటాయించింది. విలువైన ఆ ఆస్ధిని కాపాడుకోడానికి రామానాయుడు తెలుగుదేశం పార్టీకి దూరంగా కాంగ్రెస్ కు దగ్గరగా నడుచుకుంటున్నారు. "అధికారంలో ఉన్న పార్టీతో ఉంటే లాభాలు ఉంటాయి కదా" అని నాగార్జున ఇటీవల విలేకరులతో అన్నారు. ఆయన రామానాయుడి మీద కామెంట్ చేయకపోయినా తన గురించి తాను చెప్పుకున్నారు. "నేను ఏ పార్టీకీ చెందను. అయినా అధికారంలో ఉన్న పార్టీతో ఉంటే లాభమే కానీ నష్టం ఉండదు కదా?" అని నాగార్జున హిపోక్రసీ లేకుండా చెప్పారు. ఆయన మంచి గుణాన్ని అభినందించాలి.