చిరు చింపేదేమిటి? కాపుల మధనం!

కాపు కులానికి చెందిన వాడైనా చిరంజీవి వల్ల తమకు కొత్తగా ఒరిగేదేమిటని కోస్తా కాపులు ఆలోచిస్తున్నారు. కమ్మ కులానికి వ్యతిరేకంగా రాజశేఖర రెడ్డి గత 20 ఏళ్ళుగా కోస్తా కాపులను తన చిటికెన వేలుతో నడిపిస్తున్నారు. కాపులంటే కాంగ్రెస్, కాంగ్రెస్ అంటే కాపులు అన్న అభిప్రాయం కోస్తా ఆంధ్రాలో ఉంది. కాపు ఎమ్మెల్యేలకు, మంత్రులకు ముఖ్యమంత్రి రాజశేఖరరెడ్డి ఫ్రీ హ్యాండ్ ఇచ్చారు. దీనితో వైఎస్ ప్రభుత్వం తమదేనన్న అభిప్రాయం కాపుల్లో పాతుకుపోయింది.

కృష్ణా జిల్లా కాంగ్రెస్ రాజకీయాల్లో కాపుల ఆధిపత్యం బాగా ఉంది. ఐదుగురు కాపు ఎమ్మెల్యేలు ఈజిల్లా నుంచి కాంగ్రెస్ తరఫున ప్రాతినిధ్యం వహిస్తున్నారు. దాదాపు రెండు మూడు కోట్ల జనాభా ఉన్నప్పటికీ కాపు వర్గానికి చెందిన వ్యక్తి ఇంతవరకు ముఖ్యమంత్రి కాకపోవడం ఆ వర్గంలో ఆవేదన కలిగిస్తోంది. అయితే చిరంజీవి ముఖ్యమంత్రి అయినా ఆ పదవిని నిలుపుగోగలరా అనే సందేహం వారిని పీడిస్తోంది. రాజశేఖరరెడ్డి హయాంలో తమ వర్గానికి మంచి ప్రాధాన్యత ఉన్న నేపధ్యంలో చిరు వచ్చి కొత్తగా అదనంగా చేసేదేమిటని వీరు మధనపడుతున్నారు.