ఆ 20 లక్షలు ఎన్టీఆర్ వి కావా?

జూనియర్ ఎన్టీఆర్ తన కష్టార్జితంలో 20 లక్షలను వరద బాధితుల సహాయార్ధం ముఖ్యమంత్రి రోశయ్యకు స్వయంగా సమర్పించారు. తెలుగుదేశం పార్టీలో కీలక పాత్ర పోషిస్తున్న జూనియర్ ఎన్టీఆర్ పార్టీ తరఫున కాకుండా వ్యక్తిగత హోదాలో ఆ విరాళం ఇవ్వడంపై టిడిపి నాయకులు గుర్రుగా ఉన్నారు. అంతే కాకుండా జూనియర్ కెవిపి రామచంద్రరావును కలుసుకుని రహస్యంగా చర్చలు జరపడం ఎన్టీఆర్ ట్రస్ట్ భవన్ లో ప్రకంపనాలు సృష్టించింది.

జూనియర్ తాత సీనియర్ ఎన్టీఆర్ కంటే జగమొండి. రామ్ చరణ్ తేజ ముఖ్యమంత్రి సహాయ నిధికి 20 లక్షలు విరాళం ఇచ్చాడు. ఆయన కూడా వ్యక్తిగత హోదాలో ఇచ్చాడే కానీ ప్రజారాజ్యం పార్టీ తరఫున ఇవ్వలేదు. ఇదే విషయాన్ని జూ.ఎన్టీఆర్ చంద్రబాబు నాయుడికి వివరించినట్టు తెలిసింది. చంద్రబాబు నాయుడు ఈ వివాదానికి విరుగుడు ఫార్ములాను సూచించారట. దాని ప్రకారం జూ.ఎన్టీఆర్ మరో 20 లక్షలను తెలుగుదేశం పార్టీ ద్వారా సిఎం సహాయ నిధికి ఇవ్వాలి. అలా ఇచ్చారు కూడా. కానీ ఆ డబ్బు మాత్రం జూనియర్ కష్టార్జితం కాదు. చంద్రబాబు మాయాజాలం. ఈ విషయం తెలుసుకున్న కాంగ్రెస్ నాయకులకు ఒక సినిమా చూస్తున్నంత వినోదం కలిగిందట.