మళ్ళీ రెడ్డి, కమ్మ యుద్ధం?

ఇప్పటి వరకు బాపట్ల నియోజకవర్గానికి ప్రాతినిధ్యం వహిస్తున్న దగ్గుబాటి పురంధరేశ్వరి కారణంగా గుంటూరు, ప్రకాశం జిల్లాలో కమ్మ, రెడ్డి యుద్ధానికి తెర లేస్తోంది. గతంలో కోడెల గుంటూరు జిల్లాలో రెడ్డి పెత్తందార్లకు వ్యతిరేకంగా సమరం నడిపి, పేద రెడ్డ్లను తన వెంట నడుపుకున్నారు.

బాపట్ల నియోజకవర్గం రిజర్వు కావడంతో పురంధరేశ్వరి మరో నియోజకవర్గం చూసుకోవలసి వచ్చింది. సోనియా గాంధీ కుటుంబానికి అత్యంత సన్నిహితంగా మారిన ఆమెను ఎలాగైనా మళ్ళీ లోక్ సభలో చూడాలన్న కోరిక ఆ కుటుంబంలో ఉంది. దానితో ఆమెకు గుంటూరు లోక్ సభ టికెట్ ఇస్తారన్న ప్రచారం జరిగింది. కానీ అక్కడి సిటింగ్ ఎంపీ రాయపాటి సాంబశివరావు కమ్మ కులస్ధుడు. మరి ఏ ఈక్వేషన్స్ పనిచేశాయో తెలియదు కానీ పురంధరేశ్వరి దృష్టి ఇప్పుడు ఒంగోలు లేదా నరసరావుపేటల మీద పడింది. ఒంగోలు సిటింగ్ ఎంపీ మాగుంట శ్రీనివాసులు రెడ్డి. నరసరావుపేట సిటింగ్ ఎంపీ మేకపాటి రాజమోహన్ రెడ్డి. పురంధరేశ్వరి రెడ్ల సీట్లకు ఎసరుపెట్ట్డానికి ప్రయత్నించడంపై ఆ రెండు జిల్లాల్లో ఆ వర్గాల్లో తీవ్ర వ్యతిరేకత నెలకొని ఉంది.