సాక్షి వర్సెస్ ఈనాడు

ముఖ్యమంత్రి రాజశేఖరరెడ్డి తన కుమారుడి కోసం ధన యాగం ఎలా చేశారో ఈనాడు పత్రిక నేడు ఎన్నికల సప్లిమెంట్ లో గణాంకాలతో సహా వివరించింది. జగన్ కు చెందిన సాక్షి పత్రిక సహా మిగతా కంపెనీల్లో పెట్టుబడులు పెట్టిన వారు ప్రభుత్వ భూములను తక్కువ ధరలకు ఎలా ఎగరేసుకుపోయారో రామోజీ టీం బాగా విశ్లేషించింది. ఇదే రోజు సాక్షి పత్రికలో "ఈనాడు"కు వ్యతిరేకంగా లక్ష్మీ పార్వతి పేరు మీద ఒక ఫుల్ పేజి యాడ్ వచ్చింది. ఆ యాడ్ ను కాంగ్రెస్ తరఫున సాక్షి టీమే రూపొందించింది.

ఆనాడు ఈనాడు గురించి ఎన్టీ రామారావు ఎలా ఈసడించుకున్నారో సాక్షి వివరంగా రాసింది. ఈరోజు ఈ రెండు పత్రికలను దగ్గర పెట్టుకుని చదివిన వారికి రాజకీయాలంటే, జర్నలిజమంటే వాంతి వచ్చినా ఆశ్చర్యం లేదు. ఏది నిజం, ఏది అబద్ధం? అది ఖచ్చితంగా చెప్పలేం. ఏది స్వార్ధం అంటే మాత్రం ఖచ్చితంగా చెప్పవచ్చు. రెండు పక్షాలూ స్వార్ధంతోనే వ్యవహరిస్తున్నాయి. కాంగ్రెస్ పార్టీని భుజాన వేసుకుని సాక్షి, వైఎస్ సిఎం కాకూడదన్న లక్ష్యంతో ఈనాడు పనిచేస్తున్నాయన్నది అందరికీ తెలిసిన సత్యమే. ఇక్కడ విలువల గురించి మాట్లాడుకోవడం అనవసరం. ఈ చిలవలు పలవలు ఇంకా మరికొన్ని గంటల పాటు భరించక తప్పదు.