కాంగ్రెస్ కు వైఎస్ వెన్నుపోటు?

ముఖ్యమంత్రి రాజశేఖరరెడ్డి బామ్మర్ది, కడప మేయర్ రవీంద్రనాధ్ రెడ్డి వ్యవహారం ఆ జిల్లాల్లో తీవ్ర స్ధాయిలో చర్చనీయాంశమవుతోంది. ఆయన కడప అసెంబ్లీ స్ధానం నుంచి కాంగ్రెస్ అభ్యర్ధిగా పోటీ చేయాలనుకుంటున్నారు. మైనారిటీ అభ్యర్ధి అక్కడ సిటింగ్ ఎమ్మెల్యేగా ఉండడంతో వైఎస్ తన బామ్మర్దికి టికెట్ ఇప్పించుకోలేని పరిస్ధితి. పైగా తన కుమారుడు కడక లోక్ సభ స్ధానానికి కాంగ్రెస్ అభ్యర్ధి కాబోతున్నారు, అందరూ నీ కుటుంబీకులేనా అని సోనియాగాంధీ నిలదీస్తుందేమోనన్న భయం మరో వైపు.

ఈ నేపధ్యంలో రవీంధ్రనాథ్ రెడ్డి పది వేల మందితో కడపలో ర్యాలీ తీయడం, తనకే కాంగ్రెస్ టికెట్ కావాలని డిమాండ్ చేయడం అంతర్నాటకంలో భాగమని తెలుస్తూనే ఉంది. కాంగ్రెస్ అధిష్టానవర్గం వైఎస్ బామ్మర్ధికి టికెట్ ఇవ్వడానికి నిరాకరించినా, ఆ ముస్లిం కాంగ్రెస్ అభ్యర్ధిని ఓడించి బామ్మర్దిని ఇండిపెండెంట్ గానైనా గెలిపించుకోడానికి వైఎస్ స్కెచ్ వేసినట్టు స్ధానిక తెలుగుదేశం నాయకులు బాహాటంగా అంటున్నారు. కాంగ్రెస్ పార్టీకి వీర విధేయుడైన వైఎస్ కడపలో కాంగ్రెస్ ముస్లిం అభ్యర్ధికే వెన్నుపోటు పొడుస్తారా? అంటూ కాంగ్రెస్ దిగువ శ్రేణులు ముక్కున వేలేసుకుంటున్నాయి.