వైయస్ జగన్ ఆస్తులపైనా కాంగ్రెసు హైకమాండ్ గురి?

వైయస్ జగన్ మొండిగా వ్యవహరిస్తూ తాను ఎక్కిన కొమ్మను తానే నరుక్కుంటున్నారన్న అభిప్రాయం కొన్ని వర్గాల్లో వ్యక్తమవుతోంది. జగన్ కు షోకాజ్ నోటీసు సిద్ధమైంది. దండయాత్ర చేస్తానంటున్న ఆయనను దండిచడానికే హైకమాండ్ సిద్ధమైనట్టు కన్పిస్తోంది. జగన్ ను పార్టీ నుంచి సస్పెండ్ చేసిన తర్వాత ఇంకా అనేక మార్గాలను అనుసరించి అతడిని పూర్తిగా అణిచివేయాలని చూస్తున్నారు. జగన్ కుటుంబం అనేక వేల కోట్ల అక్రమార్జన చేసిందని ఇప్పుడు శంకర్రావు వంటి కాంగ్రెసు ఎమ్మెల్యేలు బహిరంగంగా విమర్శిస్తున్నారు.

జగన్ అక్రమాస్తులపై సిబిఐ విచారణ జరిపించాలన్న డిమాండ్ కూడా కాంగ్రెసు నాయకుల నోట వచ్చే అవకాశాలు కన్పిస్తున్నాయి. అయితే అటువంటి కాంగ్రెసు నాయకులను ఏకిపారేయడానికి సాక్షి జర్మలిస్టులు సిద్ధమవుతున్నారు. జగన్ ఓదార్పు యాత్ర వల్ల సాక్షి రేటింగ్స్ పెరిగాయని ఆంతరంగికులు చెబుతుండగా ఇతర చానల్స్ వాళ్ళు మరో రకంగా చెబుతున్నారు. జగన్ కు వ్యతిరేకంగా మాట్లాడుతున్న కాంగ్రెసు నాయకులను ఈనాడు రామోజీరావు ప్రోత్సహిస్తున్నారన్న అభిప్రాయం సాక్షి గ్రూపులో ఉంది.