కెవిపి రామచంద్రరావు టార్గెట్ గా ఈనాడు!

ఈనాడు పత్రిక అదను చూసుకుని కెవిపి రామచంద్రరావు వెంటపడుతోంది. గతంలో వైఎస్ హయాంలో ఈనాడుపై లీగల్ చర్యలు తీసుకోడానికి ప్రేరేపించినది ఉండవల్లి అరుణ్ కుమార్. అతనికి పరోక్షంగా సహకారం అందించినది కెవిపి రామచంద్రరావు. కెవిపి, వైఎస్ క్లాస్ మేట్స్, గ్లాస్ మేట్స్ కూడా. కెవిపి, ఉండవల్లి గ్లాస్ మేట్స్. కొన్ని వందల కోట్ల కుంభకోణమైన ఎమ్మార్ ప్రాపర్టీస్ విషయంలో కెవిపి ప్రమేయముందన్న విషయాన్ని ఈనాడు బయటపెట్టింది.

హైకమాండ్ వద్ద కెవిపి ప్రాబల్యం తగ్గిపోయిందని తెలుసుకున్న తర్వాతే ఈనాడు ఆయనపై దాడికి దిగడం గమనార్హం. గతంలో వైఎస్ తరఫున ఢిల్లీకి కప్పం కట్టిన కెవిపి కొన్ని నెలల పాటు రోశయ్య తరఫున కూడా ఆ పని చేశారు. ఎప్పుడైతే రోశయ్య కులస్ధుడైన జిఎంఆర్ సంస్ధ అధినేత రంగంలోకి దిగాడో కెవిపి బలహీనపడిపోయాడు. పైగా దుందుడుకు జగన్ ను భుజాల మీద మోస్తున్నారన్న విమర్శలు ఉన్నాయి. కెవిపికి ప్రమేయమున్న మరిన్ని కుంభకోణాలను ఈనాడు వెలికి తీసే అవకాశముంది.