నాడు ఎన్టీఆర్ ఇంటి సొత్తు తరలి వెళ్ళిన వైనం!

మహానాయకుడు ఎన్టీఆర్ మరణించిన కొన్ని గంటలకే ఆయన ఇంటి నుంచి బంగారం, వజ్రాలు ఉన్న సూట్ కేసులు తరలి వెళ్ళిన మాట వాస్తవమేనని ఇన్నాళ్ళకు ధృవపడింది. ఇప్పటి వరకు అవి వదంతులే. కానీ దేవినేని నెహ్రూ ఎబిఎన్ ఆంధ్రజ్యోతి టీవీ చానల్ కార్యక్రమంలో ఈ విషయాన్ని ధృవీకరించారు. దీనితో లక్ష్మీపార్వతి వ్యవహారం బట్టబయలైనట్టయింది. ఎన్టీఆర్ ముఖ్యమంత్రిగా ఉన్నప్పుడు, ఎన్నికలముందు టికెట్ల పంపకం వ్యవహారాల్లోనూ లక్ష్మీపార్వతి పెద్ద మొత్తంలో డబ్బు, బంగారం వసూలు చేశారని ఆరోపణలు ఉన్నాయి.

ఆ ఉదంతంపై నెహ్రూ చెప్పిన విషయాలు ఆయన మాటల్లోనే....."కొన్ని మరణవార్త అందిన వెంటనే ముద్దుకృష్ణమనాయుడు, బుచ్చయ్య చౌదరి, సుచిత్ర కృష్ణంరాజు..ఇలా కొందరు వెళ్లాం. రాత్రికి ఇంటిమీద రెయిడ్ చేస్తున్నారని వార్త వచ్చింది. కృష్ణంరాజుకి లక్ష్మీపార్వతి రెండు సూట్‌ కేసులిచ్చింది. నేను ఖర్మకాలి ఆయన కారెక్కాను. దిగేటప్పుడు నాదగ్గర ఓ సూట్‌ కేసు పెట్టాడు. దాన్ని తర్వాత ఆమెకు ఇచ్చేశాను." ఆనాడు ఎన్టీఆర్ కు ఎంతో సన్నిహితుడైన నెహ్రూ ఇప్పుడు కాంగ్రెస్ లోకి వచ్చారు కాబట్టి ఈ విషయాన్ని ధైర్యంగా బయటపెట్టగలిగారు.