చిరు మోహన్ బాబుతో డిన్నర్ చేస్తే తప్పా?

సినిమా రంగంలో ఎంతో కాలం నుంచి ఉన్న చిరంజీవి, మోహన్ బాబు కలిస్తే తప్పేమిటి? తిరుపతిలోని ఆయన అభిమానులు, కార్యకర్తలు ఈ విషయంలో అంత బాధ పడాల్సిన అవసరముందా? మోహన్ బాబుతో చిరంజీవికి రెండేళ్ళ క్రితం ఒక సభలో 'సెలెబ్రిటీ' అన్న విషయంలో వివాదం ఏర్పడిన విషయం తెలిసిందే. అదే సభలో పవన్ కల్యాణ్ మోహన్ బాబుకు లెఫ్ట్ అండ్ రైట్ ఇచ్చాడు.

మొన్న తన సొంత నియోజకవర్గమైన తిరుపతి వెళ్ళిన చిరంజీవి అర్ధరాత్రి మోహన్ బాబు ఇచ్చిన పార్టీకి హాజరవడం, రెండు గంటలు గడపడం చిరు అభిమానులకు బాధ కలిగించిందట. అయితే ఒకసారి రాజకీయాల్లోకి వచ్చిన తర్వాత చిరంజీవి అందరివాడుగా ఉండాల్సిందే. అందులో తప్పు పట్టాల్సిన అవసరం లేదు. మాజీ రాజ్యసభ సభ్యుడైన మోహన్ బాబును ఆయన ఒక పార్టీ నాయకుడిగా కలుసుకోవడంలో తప్పేమిటని కొందరు ప్రశ్నిస్తున్నారు. తిరుపతిలో కమ్మ నాయుళ్ళకు, బలిజ నాయుళ్ళకు మధ్య చాలా కాలంగా వైరముంది. చిరంజీవిని బలిజ నాయుళ్ళు బలపరుస్తున్నారు.