గుట్టుగా చిరు సుదర్శన యాగం

By Pratap

Published: Friday, July 8, 2011, 9:58 [IST]

విభజన అంశంపై రాష్ట్రం రగిలిపోతుంటే ప్రజారాజ్యం పార్టీ అధినేత చిరంజీవి మాత్రం గుట్టుగా సుదర్శన యాగం నిర్వహిస్తున్నారు. తన మనోభీష్టం నెరవేరాలని కాంక్షిస్తూ ఆయన ఈ యాగం చేస్తున్నారు. మీడియాకు తెలియకుండా ఆయన తిరుపతిలో ఈ యాగం చేస్తున్నారు. గురువారం దయం పార్టీ నిర్వాహక కార్యదర్శి జయచంద్రా రెడ్డి నివాసంలో యాగం ప్రారంభం కార్యక్రమంలో పాల్గొన్నారు. ఆ తర్వాత మధ్యాహ్నం పూర్ణాహుతి కార్యక్రమంలో పాల్గొన్నారు.

గోడకు చెవులుంటాయని ఊరికే అనలేదు పెద్దలు. చిరంజీవి యాగం నిర్వహించిన విషయం ముఖ్యమంత్రి కిరణ్ కుమార్ రెడ్డి చెవిన పడిందట. దీంతో మంత్రి రఘువీరా రెడ్డి ఆ యాగం ఆరా తీశారట. చిరంజీవికి ఆంధ్రప్రదేశ్‌కు ముఖ్యమంత్రి కావాలనే కోరిక మెండు ఉందని అందరికీ తెలుసు. మరి సీమాంధ్ర రాష్ట్రానికి ముఖ్యమంత్రి అయ్యే చాన్స్ వస్తే ఆయన ఏం చేస్తారో చూడాలి.

Published On July 8, 2011