రోశయ్యకు అంత సీన్ లేదన్నారు!

మాజీ ముఖ్యమంత్రి, రాష్ట్ర కాంగ్రెసు పార్టీ సీనియర్ మోస్ట్ నేత కొణిజేటి రోశయ్య తినడంలో మాత్రమే శాఖాహారి కాదట. రాజకీయాలలోనూ ఆయన శాఖాహారియేనట. తినే తిండిలో వెజ్‌టేరియన్ అయినప్పటికీ రాజకీయాల్లో మాత్రం నాన్ వెజ్‍‌టేరియన్‌గా ఉంటేనే అందులో మనగల్గుతారు. కానీ రోశయ్య మాత్రం చాలాకాలంగా ఆయన ప్రత్యక్ష రాజకీయాల్లో ఉన్నప్పటికీ ఆయన కాంగ్రెసు నేతలు, కార్యకర్తల్లోనే కాకుండా ప్రజల దృష్టిలోనూ మిస్టర్ క్లీన్‌గానే ఉన్నారు. ఇటీవల అమీర్‌పేట భూవివాదం ఆయనకు పెద్ద తలనొప్పిగా మారినప్పటికీ ఎసిబి ఆయనకు క్లీన్ చిట్ ఇచ్చింది. రోశయ్యను దాదాపు అందరూ మిస్టర్ క్లీన్‌గానే చూస్తారు. అసెంబ్లీలో అత్యధికంగా అందరికంటే ఎక్కువసార్లు బడ్జెట్ ప్రవేశ పెట్టిన రోశయ్యకు మాజీ ముఖ్యమంత్రి కోట్ల విజయభాస్కర రెడ్డి సైతం క్లీన్ చిట్ ఇచ్చారట.

ఓసారి రోశయ్య, కోట్ల విజయ భాస్కర్ రెడ్డి, మాజీ ప్రధానమంత్రి ఇందిరా గాంధీ కలిసి లంచ్‌కు సిద్ధమయ్యారు. ఆ సమయంలో కోట్ల విజయ భాస్కర్ రెడ్డి రెండు నాన్ వెజ్, ఒక శాఖాహార భోజనం ఆర్డర్ చేశారు. తనకు శాఖాహారం ఆర్డర్ చేశారని భావించిన ఇందిరాగాంధీ వెంటనే కల్పించుకొని కోట్లతో తాను మాంసాహారం తింటానని చెప్పారట. అందుకు కోట్ల మాంసాహారం రోశయ్యకు అని చెప్పారట. అందుకు ఇందిరాగాంధీ రోశయ్యతో మీరు శాఖాహారా? అని ప్రశ్నిస్తే అవునను ఆయన సమాధానం చెప్పారట. దాంతో ఆమె రాజకీయాల్లో కొనసాగుతున్నారు కదా. నాన్ వెజ్ పనులు ఏమీ చేయాలేదా అని చమత్కరించారట. అందుకు రోశయ్య పక్కనే ఉన్న కోట్ల మాత్రం ఆయనకు అంత సీన్ లేదు అన్నారట.

English summary

Former Congress leader Kotla Vijaya Bhaskar Reddy praised K Rosaiah in Late Prime Minister Indira Gandhi time.