వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

వైయస్ జగన్‌ను జయప్రద జైల్లో కలుస్తారా?

By Pratap
|
Google Oneindia TeluguNews

Jayaprada
హైదరాబాద్: ఉత్తరప్రదేశ్ రాంపూర్ పార్లమెంటు సభ్యురాలు, సినీ నటి జయప్రద వైయస్సార్ కాంగ్రెసు పార్టీ అధ్యక్షుడు వైయస్ జగన్‌ను హైదరాబాదులోని చంచల్‌గుడా జైల్లో కలిసేట్లే ఉన్నారు. ఆమె తీరు చూస్తుంటే వైయస్ జగన్ నాయకత్వంలోని వైయస్సార్ కాంగ్రెసు పార్టీలే చేరే సూచనలు కనిపిస్తున్నాయి. వచ్చే ఎన్నికల్లో రాజమండ్రి లోకసభ సీటు నుంచి పోటీ చేస్తానని కూడా ఆమె కరాఖండిగా చెబుతున్నారు.

రాజమండ్రిలో కాంగ్రెసు ప్రస్తుత పార్లమెంటు సభ్యుడు ఉండవల్లి అరుణ్ కుమార్‌ను, తెలుగదేశపార్టీ తరఫున పోటీ చేసే మురళీమోహన్‌ను వైయస్సార్ కాంగ్రెసు పార్టీ తరఫున ఢీకొట్టేందుకు ఆమె మానసికంగా సిద్ధమైనట్లు చెబుతున్నారు. తన 52వ జన్మదిన వేడుకలను జరుపుకోవడానికి జయప్రద మంగళవారం తిరుమల వచ్చారు.

తిరుమలలో ఆమె మీడియా ప్రతినిధులతో మాట్లాడారు. ఈ నెల 30వ తేదీన తాను ఏ పార్టీలో చేరేదీ చెబుతానని అన్నారు. నిరంతరం ప్రజాసమస్యలపై పోరాటం చేసే సెక్యులర్ పార్టీలో చేరుతానని ఆమె చెప్పారు. అయితే, పనిలో పనిగా వైయస్ రాజశేఖర రెడ్డిని ప్రశంసలతో ముంచెత్తారు. సమస్యలతో సతమతమవుతున్న రాష్ట్రానికి వైయస్ రాజశేఖర రెడ్డి వంటి నాయకుడు కావాలని ఆమె అన్నారు.

సస్యశ్యామలమైన ఆంధ్రప్రదేశ్ కోసం కృషి చేసి అందరిలోనూ చిరస్థాయిగా నిలిచిపోయిన వైయస్ లాంటి నాయకత్వాన్ని ప్రజలు కోరుకుంటున్నారని, ప్రజా సమస్యలపై క్షేత్ర స్థాయిలో తెలుసుకునేందుకు వైయస్ షర్మిల చేస్తున్న పాదయాత్ర అభినందనీయమని ఆమె అన్నారు. ఆమె మాటలను బట్టి వైయస్ పాలనను తెస్తానని అంటున్న వైయస్ జగన్‌నే ఆమె తన నాయకుడిగా చూస్తున్నట్లు కనిపిస్తున్నారు. ఆమె వైయస్సార్ కాంగ్రెసు పార్టీలో చేరుతారనే విషయంలో సందేహం అక్కర్లేదని అంటున్నారు.

English summary
Rampur MP and actress Jayaprada may join in YS Jagan's YSR Congress party. She praised YS Rajasekhar Reddy and supported Sharmila's padayatra.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X