Guru Purnima 2023: అదృష్టం కోసం నేడు రాశుల వారీగా చెయ్యాల్సిన దానాలు!!

నేడే గురుపూర్ణిమ. హిందూమతంలో గురుపూర్ణిమ కు చాలా ప్రాధాన్యత ఇవ్వబడింది.గురు పూర్ణిమను ఆషాఢ పూర్ణిమ, వ్యాస పూర్ణిమ, వేదవ్యాస జయంతి అని కూడా అంటారు. గురు పూర్ణిమ నాడు శిష్యులు గురువుకు తమ కృతజ్ఞతలు తెలుపుతారని ఆశీర్వాదం తీసుకుంటారని చెబుతారు. సనాతన ధర్మంలో గురువులకు ప్రత్యేకస్థానం ఉండడంవల్ల గురవే శిష్యుడిని భగవంతుని తో ముఖాముఖి చేయిస్తాడని చెబుతారు.

ఇక గురుదోషం జాతకంలో ఉంటే అనేక కష్టాలను పడాల్సి వస్తుందని చెబుతున్నారు. అందుకే జాతకంలో ఉన్న గురుదోషం పోయి అదృష్టం కలిసి రావాలంటే ద్వాదశ రాశుల వారు అందుకు తగిన దానాలు చేయాలని జ్యోతిష శాస్త్ర పండితులు చెబుతున్నారు.మేష రాశి వారు గురు పూర్ణిమ రోజు బెల్లాన్ని ఎరుపు మరియు నారింజ రంగు మిఠాయిలను దానం చేయాలి.

గురు పూర్ణిమ రోజు వృషభ రాశి వారు పంచదార లేదా బియ్యాన్ని దానం చేయాలి. వృషభ రాశి జాతకులు ఇంట్లో అఖండ జ్యోతిని వెలిగించాలి. కర్కాటక రాశి జాతకులు అవసరమైనవారికి పాలు దానం చేయాలి. వీలైతే వెండి నగలను, వస్తువులను ఆలయానికి దానం చేయాలి. మిధున రాశి జాతకులు ఆవులకు పచ్చిమేత తినిపించాలి. పేదలకు పెసలు దానం చేయాలి.

సింహ రాశి జాతకులు పేదలకు గోధుమలు దానం చేయాలి. అలా దానం చేసే వారికి సంఘంలో పేరు, కీర్తి రెండు వస్తాయి. కన్య రాశి జాతకులు బ్రాహ్మణులకు ఆహారంతో పాటు దక్షిణ ఇవ్వాలి. అది వారికి అదృష్టాన్ని తెస్తుంది. వృశ్చిక రాశి వారు కోతులకు బెల్లం , శనగలు దానం చేయాలి. అలాగే వారు పేద పిల్లలకు పుస్తకాలు దానం చేయాలి.

తులారాశి జాతకులు చిన్నారులకు ఏదైనా పాయసం తినిపించాలి. అది వారికి కీర్తిని కలిగిస్తుంది. ధనుస్సు రాశి జాతకులు శనగపిండి తో పాటు నెయ్యి, పంచదార కలిపి దానం చేయాలి. గురు పౌర్ణమి రోజు మకర రాశి జాతకులు పేదలకు, నిస్సహాయులకు దుప్పట్లు దానం చేయాలి. వారు బట్టలు కూడా దానం చేయవచ్చు.

కుంభ రాశి జాతకులు నేడు ఏదైనా వృద్ధాశ్రమంలో అన్నదానం, వస్త్రదానం చేయాలి. అంతేకాదు ఆలయాలలో నల్ల మినుములను దానం చేయాలి. మీన రాశి జాతకులు పసుపు రంగు ఆహారాన్ని దానం చేయాలి. లేదా శెనగపిండి నైనా దానం చేయొచ్చు. ఇలా చేయడం వల్ల జాతకంలో వున్న దోషాలు తొలగిపోయి, అదృష్టం కలిసి వస్తుంది.

disclaimer: ఈ కథనం వాస్తు, జ్యోతిష్య నిపుణుల సలహాలు, ఇంటర్నెట్ లో అందుబాటులో ఉన్న సమాచారం ఆధారంగా రూపొందించబడినది. దీనిని oneindia ధ్రువీకరించలేదు.

English summary

Jyotisha Shastra Pandits say that on Guru Purnima, if the Guru Dosha in the horoscope goes away and the luck comes together, the people of the 12 zodiac signs should make suitable donations.