4న హైదరాబాద్‌లో ఎన్‌డిఎ సభ Home Full Story

హైదరాబాద్‌: తెహెల్కా కుంభకోణం విషయంలో కాంగ్రెస్‌ వైఖరికి నిరసనగా ఏప్రిల్‌ 4వ తేదీన హైదరాబాద్‌లో బహిరంగ సభ జరుగనుంది. కేంద్ర గ్రామీణాభివృద్ధి మంత్రి ఎం. వెంకయ్యనాయుడు బుధవారం విలేకరుల సమావేశంలో ఈ విషయం చెప్పారు. ఈ సభలో బిజెపి జాతీయ నేతలు పాల్గొంటారని ఆయన చెప్పారు.

దొడ్డి దారిన అధికారంలోకి రావడానికి కాంగ్రెస్‌ తెహెల్కా వివాదాన్ని వాడుకుంటోందని ఆయనవిమర్శించారు. బోఫోర్స్‌, తదితర కుంభకోణాలను కప్పిపుచ్చుకోవడానికి తెహెల్కా రక్షణ రంగ వివాదాన్ని కాంగ్రెస్‌ ఎంచుకుందని కూడా ఆయన అన్నారు.