తొలి మేయర్‌ అభ్యర్థి రామస్వామి

హైదరాబాద్‌ః ప్రతిష్ఠాత్మకమైన హైదరాబాద్‌ కార్పొరేషన్‌ ఎన్నికల్లో తొలి మేయర్‌ అభ్యర్థిని తెలంగాణా సాధన సమితి ప్రకటించింది. మాజీ ఎమ్మెల్ల్యే రామస్వామిని మేయర్‌ అభ్యర్థిగా ఎం.పి. నరేంద్ర సారధ్యంలోని టిఎస్‌ఎస్‌ ప్రకటించింది. తన మిత్రపక్షమైన తెలంగాణా ప్రజాపార్టీతో కలిసి ఈ ఎన్నికల్లో సత్తా చూపిస్తామని నరేంద్ర గురువారం వెల్లడించారు.

తమకు రాజకీయ పార్టీ హోదా లేనందువల్ల మిత్రపక్షమైన టిపిపి గుర్తు అయిన పార గుర్తుపై పోటీ చేస్తున్నట్లు నరేంద్ర వెల్లడించారు. మాజీ డిప్యూటీ స్పీకర్‌ చంద్రశేఖరరావు సారధ్యంలోని తెలంగాణా రాష్ట్ర సమితితో టిఎస్‌ఎస్‌ పొత్తు కుదుర్చుకొనేదీ లేనిదీ ఇంకా తేలలేదు. ఈ రెండు పార్టీలు కలిస్తే తెలుగుదేశం, కాంగ్రెస్‌ పార్టీకి గట్టిపోటీ ఇచ్చే అవకాశం వుందని భావిస్తున్నారు.