ఆత్మాహుతిదళాన్ని అడ్డుకున్న ఆర్మీ

శ్రీనగర్‌ః జమ్మూ కాశ్మీర్‌ లోని ఆర్మీ ప్రధాన కార్యాలయంలోకి చొరబడేందుకు ముగ్గురు సభ్యులున్న ఆత్మాహుతిదళం చేసిన ప్రయత్నాన్ని భద్రతాదళాలు వమ్ముచేశాయి. అత్యంత అధునాతన ఆయుధాలతో వున్న ముగ్గురు సభ్యులున్న ఆత్మాహుతి దళం మెటడార్‌ వ్యాన్‌ లో ఆర్మీ ప్రధాన కార్యాలయంలోకి దూసుకువెళ్ళేందుకు ప్రయత్నించింది. అయితే ఆ దళాన్ని భద్రతాదళాలు అడ్డుకొని నిర్బంధించడంతో పెను ప్రమాదం తప్పింది.

ఆర్మీ ప్రధానకార్యాలయంలోని పోలీసులను చంపే లక్ష్యంతో రంగంలోకి దిగిన ఆత్మాహుతి దళంలో ఇద్దరు సభ్యుల్ని భారత భద్రతా దళాలు కాల్చి చంపాయి. మరో వ్యక్తి పారిపోయాడు. వారు తెచ్చిను వ్యాన్‌ లో భారీ పేలుడు పదార్ధాలను పోలీసులు స్వాధీనం చేసుకున్నారు. లష్కర్‌ -ఎ-తొయిబా ఈ ఘాతుకానికి ఒడిగట్టినట్లు పోలీసులు అనుమానిస్తున్నారు.