బుష్‌ హామీ - అద్వానీ హ్యాపీ

వాషింగ్టన్‌ః పాకిస్తాన్‌ అధ్యక్షుడు జనరల్‌ పర్వేజ్‌ ముషారఫ్‌ తీవ్రవాదానికి మద్దతు ఇవ్వడం మానుకుంటారని తాను గట్టిగా నమ్ముతున్నట్లు అమెరికా అధ్యక్షుడు బుష్‌ భారత హాంశాఖ మంత్రి అద్వానీకి హామీ ఇచ్చారు. అమెరికా సెక్యూరిటీ అడ్వయిజర్‌ రైస్‌ తో అద్వానీ గురువారం వైట్‌ హౌస్‌ లో చర్చలు జరుపుతుండగా బుష్‌ స్వయంగా వచ్చి ఆయనను కలుసుకున్నారు. ముషారఫ్‌ గురించి అమెరికా ఏం అనుకుంటున్నదీ బుష్‌ అద్వానీకి వివరించారు. బుష్‌ హామీ తనకు సంతృప్తినిచ్చిందని ఆ తరువాత విలేకరుల సమావేశంలో అద్వానీ చెప్పారు.

అయితే పాకిస్తాన్‌ ఇకమీదట తీవ్రవాదులపై తీసుకొనే చర్యలను బట్టి మాత్రమే దాని వైఖరిలో ఏమైనా మార్పు వచ్చిందీ లేనిదీ నిర్థారించుకోగలమని అద్వానీ చెప్పారు. ప్రపంచంలో ఎక్కడ తీవ్రవాదం వున్నా దానిని సమూలంగా నిర్మూలించేందుకు అమెరికా చిత్తశుద్ధితో కృషిచేస్తున్నదని బుష్‌ మాటలలో ధ్వనించిందని అద్వానీ చెప్రారు. తీవ్రవాదాన్ని నిర్మూలించేందుకు ముషారఫ్‌ అన్ని చర్యలు తీసుకొనేలా చూస్తామని బుష్‌ హామీ ఇచ్చినట్లు వాజ్‌ పేయి చెప్పారు.