క్లింటన్‌తో అద్వానీ భేటీ

న్యూయార్క్‌ః ప్రస్తుతం అమెరికా పర్యటనలో వున్న హోం మంత్రి అద్వానీ శుక్రవారం నాడు అమెరికా మాజీ అధ్యక్షుడు బిల్‌ క్లింటన్‌ను కలుసుకున్నారు. ఈ ఇద్దరు నేతలు సుమారు 45 నిమిషాల పాటు భేటీ అయ్యారు. సమావేశం వివరాలు పూప్తిగా బయటకు రాలేదు.

హర్లెమ్‌లోని క్లింటన్‌ కార్యాలయంలో ఈ సమావేశం జరిగింది. దీనిని అమెరికా అధికారులు పూర్తి ప్రైవేట్‌ సమావేశంగా అభివర్ణించారు. ఫోటోలు తీసుకోవడానికి ఫోటో జర్నలిస్టులను అనుమతించలేదు. సమావేశానంతరం తనతో పాటు వచ్చిన జర్నలిస్టులతో కూడా అద్వానీ ఏమీ వ్యాఖ్యానించలేదు. న్యూయార్క్‌లో వరల్డ్‌ ట్రేడ్‌ సెంటర్‌ విధ్వంసం జరిగిన ప్రాంతాన్ని కూడా అద్వానీ సందర్శించారు.