అభివృద్ధికి ప్రజలు ఓటేశారు: బాబు

హైదరాబాద్‌: ప్రజలు అభివృద్ధికి ఓటేసి తెలుగుదేశం పార్టీ అభ్యర్థులను గెలిపించారని ముఖ్యమంత్రి నారా చంద్రబాబునాయుడు అన్నారు. హైదరాబాద్‌ నగర పాలక సంస్థ మేయర్‌ అభ్యర్థి తీగల కృష్ణారెడ్డివిజయం సాధించిన సందర్భంగా ఆయన శుక్రవారం మాట్లాడారు.

హైదరాబాద్‌లో తమ మేమర్‌ అభ్యర్థి గెలుపు అభివృద్ధి వేగవంతానికి తోడ్పడుతుందని ఆయన అన్నారు. కొన్ని పార్టీలు ప్రాంతీయ, మత, హింసలను రెచ్చగొట్టడానికి ప్రయత్నించిన వారికి గుణపాఠంగా ప్రజలు తమ అభివృద్ధిని చూసి ఓటేశారని ఆయన అన్నారు. రాజకీయాలను పక్కనపెట్టి అభివృద్ధికి పాటు పడేవారికి ప్రజలు ఓటేస్తారని తెలుగుదేశం పార్టీ నిరూపిస్తూ వస్తోందని ఆయన అన్నారు. ప్రజలు అభివృద్ధిని కోరుకుంటున్నారని, అభివృద్ధి చేస్తే తిరిగి అధికారంలోకి రాగలమని తెలుగుదేశం పార్టీ నిరూపిస్తోందని ఆయన అన్నారు.