బిజెపి మోర్చా మాజీ నేతఅరెస్టు

విజయవాడ:రైల్వేలో ఉద్యోగాలు ఇప్పిస్తానని చెప్పి నిరుద్యోగులను మోసం చేశారనే ఆరోపణపై బారతీయ జనతా పార్టీ (బిజెపి) మైనారిటీ మోర్చా అఖిల భారత మాజీ అధ్యక్షుడుమీర్‌ అహ్మద్‌ అలీ ఖాన్‌ను విజయవాడ పోలీసులుఅరెస్టు చేశారు. అలీఖాన్‌ మరో బిజెపి నాయకుడితో కలిసిరైల్వే ఉద్యోగాలు ఇప్పిస్తానని చెప్పి నిరుద్యోగుల నుంచి డబ్బులు వసూలు చేసి మోసం చేశారనివిజయవాడ పోలీసు కమిషనర్‌ సురేంద్ర బాబు శనివారంవిలేకరులతో చెప్పారు.

అలీఖాన్‌ 16 మంది నుంచి 30 లక్షల రూపాయలు వసూలు చేసి వారికి నకిలీ ఉద్యోగ పత్రాలు ఇచ్చారని ఆయన చెప్పారు. బాధితులు మరింత మంది ముందుకు వచ్చివివరాలు చెప్తే అలీఖాన్‌పై మరిన్ని కేసులు పెట్టనున్నట్లు ఆయన తెలిపారు. తాను మోసగాడిని కానని అలీఖాన్‌విలేకరుల ముందు చెప్పే ప్రయత్నం చేశారు. తాను తెలంగాణ కోసం పని చేస్తుండడం వల్లనే కక్ష సాధింపుతో ఈ కేసుపెట్టారని ఆయన అన్నారు.