పంజాబ్‌, ఉత్తరాంచల్‌లో కాంగ్రెస్‌

న్యూఢిల్లీః పంజాబ్‌, ఉత్తరాంచల్‌ రాష్ట్రాల అసెంబ్లీ ఎన్నికల్లో కాంగ్రెస్‌ విజయం సాధించింది. ఎగ్జిట్‌ పోల్స్‌ సూచించిన స్థాయిలో కాకున్నప్పటికీ పంజాబ్‌లో కాంగ్రెస్‌ ఘనవిజయమే సాధించింది. మొత్తం 117 స్థానాలకు గానూ 116 స్థానాలకు ఎన్నికలు జరగ్గా కాంగ్రెస్‌ సిపిఐ కూటమి 61 స్థానాలు సాధించింది.

అకాలీదళ్‌-బిజెపి కూటమికి 47 స్థానాలు లభించాయి. ఇతరులు మరో 8 స్థానాల్లో గెలుచుకున్నారు. బిఎస్‌పికిఒకే ఒక స్థానం లభించింది. 70 అసెంబ్లీ స్థానాలు వున్న ఉత్తరాంచల్‌లో కాంగ్రెస్‌కు 38 స్థానాలు, బిజెపికి 18, బిఎస్‌పికి 5 స్థానాలు, ఇతరులకు 9 స్థానాలు లభించాయి. ఈ రెండు రాష్ట్రాల్లోనూ కాంగ్రెస్‌ ప్రభుత్వాల ఏర్పాటుకు ప్రయత్నాలు చురుగ్గా సాగుతున్నాయి. అధిష్టానవర్గం సూచనల మేరకు సిఎల్‌పిలు సమావేశమై నేతను ఎన్నుకుంటాయి.