జింబాబ్వేను ఆదుకున్న ఆండీ, ఇబ్రాహీం

న్యూఢిల్లీ: భారత్‌తో గురువారంనాడిక్కడ ప్రారంభమైన రెండో క్రికెట్‌ టెస్టు మొదటి ఇన్నింగ్స్‌లో జింబాబ్వేను ఆండీ ఫ్లవర్‌, ఇబ్రాహీం అదుకున్నారు.టాస్‌ గెల్చి బ్యాటింగ్‌ ఎంచుకున్న జింబాబ్వే 65 పరుగులకే మూడువికెట్లు కోల్పోయింది. ఆ తర్వాత ఆండీ ఫ్లవర్‌, ఇబ్రాహీం నిలకడగా ఆడి జింబాబ్వేను గట్టెక్కించారు.

రెండో టెస్టు మొదటి రోజు ఆట ముగిసే సమయానికి జింబాబ్వే ఆరువికెట్లు కోల్పోయి 260 పరుగులు చేసింది. ఆట ముగిసే సమయానికి ఇబ్రాహీం 82 పరుగులతో, ఫ్రెండ్‌ ఏడు పరుగులతో క్రీజ్‌లో వున్నారు. ఆట ప్రారంభం కాగానే మొదటి ఓవర్‌లోనే కార్లయిల్‌ను శ్రీనాథ్‌ క్లీన్‌బౌల్డ్‌ చేశాడు. ఆ తర్వాత వరుసగా ట్రోవెర్‌, క్యాంప్‌బెల్‌వికెట్లను జహీర్‌ఖాన్‌ కూల్చాడు. దీంతో జింబాబ్వే గడ్డు పరిస్థితిలో చిక్కుకుంది. ఆ తర్వాత ఆండీ ఫ్లవర్‌, ఇబ్రాహీం బాధ్యతాయుతంగా ఆడి స్కోర్‌పెంచారు. ఆండి ఫ్లవర్‌ 92 పరుగుల వ్యక్తిగత స్కోర్‌ వద్ద హర్బజన్‌ బౌలింగ్‌లో శివసుందర్‌ దాస్‌కు క్యాచ్‌ ఇచ్చిపెవిలియన్‌ దారి పట్టాడు. అనంతరం 30 పరుగులకు గ్రాంట్‌ ప్లవర్‌ 30 పరుగులకు రన్‌ అవుట్‌కాగా, క్యాంప్‌బెల్‌ పరుగులేమీ చేయకుండా అనిల్‌ కుంబ్లే బౌలింగ్‌లో అవుటయ్యాడు.

భారత బౌలర్లలో జహీర్‌ఖాన్‌ రెండు వికెట్లు తీసుకోగా, శ్రీనాథ్‌, కుంబ్లే, హర్బజన్‌ ఒక్కటేసివికెట్లు తీసుకున్నారు.