పండిట్‌ రవిశంకర్‌ కు గ్రామీ అవార్డు

లాస్‌ ఎంజెల్స్‌ః ప్రఖ్యాత సితార్‌విద్వాంసుడు పండిట్‌ రవిశంకర్‌ కు సంగీతరంగంలో అంతర్జాతీయ అవార్డు గ్రామీ అవార్డు లభించింది. బుధవారం నాడు రవిశంకర్‌స్వరాలు కూర్చిన ఆల్బమ్‌ ఫుల్‌ సర్కిల్‌ కు ప్రతిష్ఠాత్మకమైన ఈ అవార్డు లభించింది. బ్రెజిల్‌,బ్రిటన్‌ లకు చెందిన సంగీత విద్యాంసుల ఆల్బమ్‌ లను తలదన్ని రవిశంకర్‌ ఈ అవార్డును సొంతం చేసుకున్నారు.

వారణాసిలో జన్మించిన రవిశంకర్‌ సితార వాదనంలో అంతర్జాతీయ ఖ్యాతిని ఆర్జించారు. బాల్యంలో ఓ డాన్స్‌ కంపెనీలో చేరిన రవిశంకర్‌ 18 ఏట వరకు డాన్సర్‌ గా కొనసాగారు. ఆ తరువాత సితార్‌ నేర్చుకొని అంతర్జాతీయ ఖ్యాతిని ఆర్జించారు. ఆల్‌ ఇండియా రేడియోలో మ్యూజిక్‌ డైరెక్టర్‌ గా వ్యవహరించడంతో పాటు సుప్రసిద్ధ దర్శకుడు సత్యజిత్‌రే చిత్రాలకు రవిశంకర్‌ స్వరాలు కూర్చారు. వరుసగా మూడు సార్లు గ్రామీ అవార్డు దక్కించుకున్న వ్యక్తి కూడా రవిశంకర్‌ కావడంవిశేషం. ఓ భారతీయ సంగీత విద్వాంసునికి ప్రపంచ ప్రఖ్యాతి గాంచిన గ్రామి అవార్డు రావడం ప్రతిఒక్క భారతీయుడుగర్వించతగ్గ విషయం.