మార్చి 1న దేశమంతా బంద్‌: విహెచ్‌పి

న్యూఢిల్లీ: గోద్రాలో కరసేవకుల హత్యకు నిరసనగావిశ్వ హిందూ పరిషత్‌ (విహెచ్‌పి) శుక్రవారంనాడు దేశవ్యాప్త బంద్‌ను తలపెట్టింది. అయోధ్యలోనివివాదాస్పద స్థలాన్ని ఇవ్వాలా, వద్దా అనే అంశంపై ప్రజాభిప్రాయసేకరణకు డిమాండ్‌ చేసింది.

అయోధ్య అంశాన్ని జాతీయ ప్రజాస్వామ్య కూటమి (ఎన్‌డిఎ) ప్రభుత్వం పూర్తిగా నిర్లక్ష్యం చేస్తోందని, ప్రధాని రాజీనామాకు ప్రతిపక్షాలు డిమాండ్‌ చేయడంలో తప్పు లేదని సంఘ్‌ పరివార్‌ సంస్థ సంయుక్త ప్రధాన కార్యదర్శి ఓంకార్‌ భావే అన్నారు. ప్రస్తుత ప్రభుత్వాన్ని ఆయన రావణ రాజ్యంగా అభివర్ణించారు. హోం మంత్రి ఎల్‌.కె. అద్వానీ చెప్పేది ఎక్కువ చేసేది తక్కువ అని ఆయనవిమర్శించారు.

బంద్‌ నుంచి విద్యా సంస్థలను, అత్యవసరసర్వీసులను మినహాయించారు.