జయ కేబినెట్‌ తొలి సమావేశం

చెన్నైః తమిళనాడు కొత్త కేబినెట్‌ తొలి సమావేశం ముఖ్యమంత్రి జయలలిత సారథ్యంలో సోమవారం నాడు జరిగింది. ముఖ్యమంత్రిగా ప్రమాణస్వీకారం చేసిన 24 గంటల్లో జయలలిత ఈ సమావేశం ఏర్పాటు చేశారు. తొమ్మిదో తేదీనుంచి ప్రారంభం కానున్న రాష్ట్ర అసెంబ్లీ సమావేశాలను ఉద్దేశించి గవర్నర్‌ రామ్మోహన్‌రావు చేసే ప్రసంగంలోని ప్రధాన అంశాల గురించి ఈ సమావేశంలో చర్చించారు.

ప్రభుత్వం చేపట్టనున్న అనేక కార్యక్రమాలు, అభివృద్ధి పథకాలను కూడా ఖరారు చేసారు. సమావేశం ప్రారంభమైన వెంటనే ముందుగా లోక్‌సభస్పీకర్‌ బాలయోగి మృతికి సంతాపం తెలియజేస్తూ ఒక తీర్మానాన్ని ఆమోదించింది. మంచి భవిష్యత్తు వున్న ఒక ఉత్తమ పార్లమెంటేరియన్‌ జీవితం అర్ధంతరంగా ముగియడం పట్ల జయలలిత ఆవేదన వ్యక్తం చేశారు. తమిళనాడుకు నెంబర్‌ వన్‌ రాష్ట్రంగా తీర్చిదిద్దనున్నట్టుగా ఆమె ప్రకటించారు.