బాంబు పేల్చిన మాయావతి!

లక్నోః ఉత్తరప్రదేశ్‌అసెంబ్లీలో తమ పార్టీ ఏ పక్షానికి మద్దతు ఇవ్వదని బహుజన్‌ సమాజ్‌ వాది పార్టీ తేల్చి చెప్పింది. ఈ మేరకు ఆ రాష్ట్ర గవర్నర్‌ విష్ణుకాంత్‌ కు బి.ఎస్‌.పి. ఓ లేఖరాసింది. ఉత్తరప్రదేశ్‌అసెంబ్లీకి ఇటీవల జరిగిన ఎన్నికల్లో ఏ పార్టీకి మెజారిటీ రానివిషయం విదితమే. బి.ఎస్‌.పి మద్దతు లేనిదే అతిపెద్దపార్టీగా అవతరించిన సమాజ్‌ వాది పార్టీ కూడా ప్రభుత్వం ఏర్పాటు చేయలేని పరిస్థితి ఏర్పడింది.

ఇంతకాలం మౌనం వహించిన బి.ఎస్‌.పి. ఎవరికీ మద్దుతు ఇవ్వరాదని నిర్ణయించడంతో ఉత్తరప్రదేశ్‌అసెంబ్లీ నిజంగానే త్రిశంకుస్వర్గంలో పడింది. మళ్ళీ ఎన్నికలు నిర్వహిస్తారా.... ఇప్పటికే ఐదున్నరేళ్ళపాటు కొనసాగిన బిజెపి ప్రభుత్వం మరికొంతకాలం కొనసాగుతుందా అనేది ప్రశ్నార్థకంగా మారింది.