గుజరాత్‌పై కేబినెట్‌ భేటీ

న్యూఢిల్లీః గుజరాత్‌ పరిణామాలపై ప్రధాని వాజ్‌పేయి అధ్యక్షతన కేంద్ర కేబినెట్‌ ప్రత్యేక సమావేశం మంగళవారం సాయంత్రం జరుగుతున్నది. మూడు రోజుల పాటు గుజరాత్‌లో పర్యటించి ప్రజల్లో విశ్వాసం కలిగించడానికి ప్రయత్నించిన హోం మంత్రి అద్వానీ, రక్షణ మంత్రి జార్జ్‌ ఫెర్నాండెజ్‌ కేబినెట్‌ సమావేశంలో తమ పర్యటన వివరాలను వెల్లడిస్తారు.

గుజరాత్‌ అల్లర్లపై ఒక నివేదికను కూడా వారుఅందజేసే అవకాశం వుంది. మరో వైపు గోద్రా ఘటనతో సహా గుజరాత్‌ అల్లర్ల పై సమగ్రవిచారణ జరిపిన వివిధ కేంద్ర ప్రభుత్వ ఏజెన్సీలు కూడా తమ నివేదికలను ప్రభుత్వానికిఅందజేశాయి. ఈ నివేదికలన్నింటిపైనా కేబినెట్‌ సమావేశం చర్చిస్తుంది. గుజరాత్‌లో తక్షణం చేపట్టాల్సిన చర్యలపై నిర్ణయాలు తీసుకుంటుంది. గుజరాత్‌ అల్లర్లను తీవ్రంగా ఖండిస్తూ ప్రభుత్వ వైఫల్యంపై వివిధ పక్షాలు దుమ్మెత్తిపోస్తన్నవిషయం విదితమే. ఇందిరా మృతి తర్వాత జరిగిన ఢిల్లీ అల్లర్ల బాధితులకుఅందజేసినట్టుగా గుజరాత్‌ బాధితులకు కూడా పరిహారంఅందజేయాలన్న డిమాండ్‌పై కూడా కేబినెట్‌లో చర్చ జరిగే అవకాశం వుంది.