న్యూఢిల్లీః విహెచ్‌పి వైఖరి వల్ల సంక్లిష్టంగా మారుతున్న అయోధ్య సమస్యపై కంచి కామకోటి పీఠం శంకరాచార్య శ్రీ జయేంద్ర సరస్వతి స్వామితో ప్రధాని వాజ్‌పేయి సోమవారం రాత్రి మంతనాలు జరిపారు. ప్రధాని నివాసంలో జయేంద్ర సరస్వతి సుమారు గంటన్నరపాటు వున్నారు. చెన్నై నుంచి స్వామిజి సోమవారం నాడే ఢిల్లీ చేరుకున్నారు.

ఆయన రాకను ఆఖరు నిమిషం వరకు రహస్యంగా వుంచారు. ఢల్లీలోని కంచిమఠానికిమీనాక్షి మందిరంలో బసచేసిన స్వామీజీని మానవవనరుల శాఖ మంత్రి మురళీమనోహర్‌ జోషి కూడా వెళ్లి కలిసారు. సోమవారం నాడు సుదీర్ఘంగా సమావేశమై అయోధ్యలో రామాలయ నిర్మాణానికి సంబంధించి తన పథకాన్ని చర్చించిన

విశ్వహిందూ పరిషత్‌ నేతలు విలేకరుల సమావేశం ఏర్పాటుకు ముందుగా తాము కూడా వెళ్లి కంచిస్వామిని కలిసారు. ప్రభుత్వంతో గొడవకు దిగకుండా సయోధ్య పూరితంగా ఆలయ నిర్మాణానికి సంబంధించినఅంశాలను ఖరారు చేయాలని జయేంద్ర సరస్వతి వారికి సూచించినట్టుగా తెలిసింది. మంగళవారం నాడు విహెచ్‌పి నేతలు మరోసారి జయేంద్రసరస్వతిని కలుసుకుని మాట్లాడే అవకాశం వుంది. ప్రధానితో తన చర్చలవివరాలను స్వామీజీ వారికి తెలియజేసే అవకాశం వుంది.