ప్రత్యూషకేసులో మాటతప్పిన బాబు!

హైదరాబాద్‌ః ప్రత్యూష కేసును సి.బి.ఐ.కి అప్పగించడంలో ప్రభుత్వం విపరీతమైన జాప్యం చేస్తున్నదని సిపిఎం నేత నోముల నర్సింహయ్య ఆరోపించారు. బుధవారం ఆయన అసెంబ్లీలో ఈ అంశాన్ని ప్రస్తావించారు. సి.బి.సి.ఐ.డి. మీద నమ్మకం లేకనే ఈ కేసును సిబిఐకి అప్పగించాల్సిందిగా కోరామని, అందుకు సమ్మతించిన చంద్రబాబు ఇంతవరకు కేసును సిబిఐకి అప్పగించకపోవడంలో అర్థం ఏమిటని నోముల నర్సింహయ్య ప్రశ్నించారు.

సిబిసిఐడి సిద్దార్ధరెడ్డినిఅరెస్టు చేసి, ఆయనపై ఆత్మహత్య నేరం కింద కేసు నమోదు చేసిందని కేసుకు సంబంధించిన అన్నిపనులు పూర్తయ్యాక ఇక సిబిఐకిఅప్పగించి ప్రయోజనం ఏమిటని ఆయన ప్రశ్నించారు. ఈ కేసును పక్కదారి పట్టించేదుకే చంద్రబాబునాయుడు ప్రభుత్వం ప్రయత్నిస్తున్నదని ఆయన ఆగ్రహం వ్యక్తం చేశారు.