ప్రత్యూష కేసు: పత్రికలకు ఆదేశాలు

హైదరాబాద్‌: సినీ నటి ప్రత్యూష కేసులో కౌంటర్లు దాఖలు చేయాలని కోర్టు పత్రికా ప్రతినిధులను అదేశించింది. ప్రత్యూష కేసునువిచారిస్తున్న జస్టిస్‌ మోతిలాల్‌ నాయక్‌, జస్టిస్‌ రోహిణిలతో కూడిన బెంచ్‌ ఈ ఆదేశాలు జారీ చేసింది.

ప్రత్యూష మృతిపై రాసిన వార్తలకు సమాచారం ఎలాఅందిందనే విషయాలను తెలియజేస్తూ షీల్డ్‌ కవర్లలో ఈ కౌంటర్లనుఅందజేయాలని కోర్టు పత్రికా పత్రినిధులకు సూచించింది. వివిధ పత్రిక ప్రతినిధులు మంగళవారం కోర్టు ముందుహాజరయ్యారు.

మెడికో లీగల్‌ కేసు అని తెలిసి ఏ విధమైన చర్యలు తీసుకున్నారో తెలియజేస్తూ అఫడవిట్‌ దాఖలు చేయాలని కోర్టు కేర్‌ ఆస్పత్రిని ఆదేశించింది. ప్రత్యూషస్టేట్‌మెంట్‌ తీసుకోవడానికి ఏ విధమైన ప్రయత్నం చేశారనేవిషయాన్ని కూడా తెలియజేయాలని కోర్టు సూచించింది.

ప్రత్యూష విస్రా డిఎన్‌ఎ పరీక్ష నిర్వహించి, పది రోజుల్లోగా నివేదికఅందజేయాలని కోర్టు సంబంధిత సంస్థను ఆదేశించింది. కేసువిచారణను కోర్టు ఏప్రిల్‌ 9వ తేదీకి వాయిదా వేసింది.