ఎన్నికలపై మోడిదే నిర్ణయం: బిజెపి

అహ్మదాబాద్‌: రాష్ట్రంలో ఎన్నికలు నిర్వహించాలా, వద్దా అనే విషయంపై నిర్ణయం తీసుకునే అధికారాన్ని భారతీయ జనతా పార్టీ (బిజెపి) సమన్వయ కమిటీ, బిజెపి రాష్ట్ర శాఖ గుజరాత్‌ ముఖ్యమంత్రి నరేంద్ర మోడికి, రాష్ట్ర మంత్రి వర్గానికి అప్పగించాయి.

ఆదివారం ఇక్కడ జరిగిన రెండు గంటల సమావేశానంతరం బిజెపి గురాజత్‌ రాష్ట్ర శాఖ అధ్యక్షుడు రాజేంద్ర సింగ్‌ రాణావిలేకరులతో మాట్లాడారు. బిజెపి జాతీయ కార్యవర్గం చేసిన సూచన నేపథ్యంలో రాష్ట్రంలో ఎన్నికలు జరిపాలా, వద్దా అనేవిషయంలో అన్ని కోణాల నుంచి చర్చలు జరిపినట్లు ఆయన తెలిపారు.

సభ్యులు త్వరిత గతి ఎన్నికలను కోరారని, అయితే ఈవిషయమై ముఖ్యమంత్రి, ప్రభుత్వం నిర్ణయం తీసుకోవాలని సూచించామని ఆయన చెప్పారు.