184 కింద చర్చ అంగీకారం కాదు: బిజెపి

న్యూఢిల్లీ: తాము లోక్‌సభలో ఓటింగ్‌కు సిద్ధంగానే వున్నామని, అయితే గుజరాత్‌పై 184 నిబంధన కింద చర్చకు సిద్ధంగా లేమని భారతీయ జనతా పార్టీ అధికార ప్రతినిధివి.కె. మల్హోత్రా చెప్పారు. గుజరాత్‌పై 184 నిబంధన కింద చర్చకుఅంగీకరిస్తే తప్పుడు సంప్రదాయానికి మార్గం వేసినట్లవుతుందని ఆయన అన్నారు.

184 నిబంధన కింద చర్చ చేపట్టినా తమకు మెజారిటీ అభిస్తుందని, అయితే ఆ నిబంధన కింద చర్చకు అనుమతిస్తే తప్పుడు సంప్రదాయం నెలకొల్పినట్లవుతుందని ఆయన సోమవారంవిలేకరుల సమావేశంలో అన్నారు. కావాలనుకుంటే ప్రభుత్వంపైఅవిశ్వాస తీర్మానం ప్రతిపాదించవచ్చునని ప్రధాని అటల్‌బిహారీ వాజ్‌పేయి కూడా ప్రతిపక్షాలకు చెప్పారని ఆయన గుర్తు చేశారు. కావాలనుకుంటే ప్రతిపక్షాలు ఆర్థిక బిల్లును ప్రతిపాదించినప్పుడు లేదా వివిధ గ్రాంట్లకు సంబంధించిన డిమాండ్లను చేపట్టినప్పుడు వ్యతిరేకంగా ఓటు చేయవచ్చునని ఆయన అన్నారు.