వార్‌ నక్సల్‌ రవిఅరెస్టు

వరంగల్‌:పీపుల్స్‌వార్‌ వరంగల్‌ జిల్లా చిట్యాల లోకల్‌ గెరిల్లా దళ కమాండర్‌ నేరెళ్ల రవి అలియాస్‌ సమ్మన్న అలియాస్‌ లచ్చన్నను పోలీసులుఅరెస్టు చేశారు. నేరెళ్ల రవిని పరకాల బస్‌ స్టాండ్‌ సమీపంలో శుక్రవారంఅరెస్టు చేసినట్లు జిల్లా పోలీసు సూపరింటిండెంట్‌ నళినీ ప్రభాత్‌విలేకరులతో చెప్పారు.

పీపుల్స్‌వార్‌లో 1997లో చేరినరవిపై ప్రభుత్వం లక్ష రూపాయల రివార్డు ప్రకటించింది. డిసిసిబి డైరెక్టర్‌ ధనంజయ హత్య కేసులో, కానిస్టేబుల్‌ రియాసత్‌గా భావించి సలీంను హత్య చేసిన కేసులో రవి నిందితుడని ఎస్‌పి చెప్పారు. 12 మంది నక్సల్స్‌ హతమైన కౌకొండ ఎన్‌కౌంటర్‌ నుంచి ఇతను తప్పించుకున్నాడు. అయితే కోవర్టుగా వ్యవహరించి ఈ ఎన్‌కౌంటర్‌కు కారకుడయ్యాడనే అనుమానంతో అతడ్నిపీపుల్స్‌వార్‌ కొంత కాలం దూరంగా వుంచింది. అయితే అది నిజం కాదని తర్వాత తెలుసుకుంది.

ప్రభుత్వంతో జరుగుతున్న చర్చలను ఆసరాగా చేసుకుని పార్టీని బలోపేతం చేయాలనేదిపీపుల్స్‌వార్‌ నిర్ణయమని రవి విలేకరులతో చెప్పాడు.పీపుల్స్‌వార్‌ కొన్ని దళాలను కుదించినట్లు కూడా అతను తెలిపాడు.