11న తెలంగాణా పార్టీలవిలీనం

హైదరాబాద్‌ః ఈ నెల 11న తెలంగాణా సాధన సమితి, తెలంగాణా రాష్ట్ర సమితి పార్టీలువిలీనం కానున్నాయి. బిజెపి ఎంపి నరేంద్ర సారధ్యంలో టిఎస్‌ఎస్‌, తెలుగుదేశం పార్టీకి రాజీనామా చేసిన చంద్రశేఖర రావు సారధ్యంలోని టిఆర్‌ఎస్‌విలీనం అయ్యేందుకు కొద్దిరోజులుగా చర్చలు జరుగుతున్నవిషయం విదితమే. 11న ఈ రెండుపార్టీలు విలీనం అవుతాయని, అదే రోజున కొత్త కార్యవర్గాన్ని కూడా ప్రకటిస్తామని నరేంద్ర చెప్పారు.

వచ్చే అసెంబ్లీ ఎన్నికలనాటికి బలమైన శక్తిగా ఏర్పడాలన్న లక్ష్యంతోనే ఈవిలీనానికి శ్రీకారం చుట్టినట్లు నరేంద్ర తెలిపారు. తెలంగాణా ప్రభంజనాన్ని చంద్రబాబు నాయుడు జాగ్రత్తగా పరిశీలిస్తున్నారని, మా హవా ఇలానే కొనసాగితే 2004లో జరగాల్సినఅసెంబ్లీ ఎన్నికల్ని ముందుగానే జరిపించినా ఆశ్చర్యపోనవసరంలేదని ఆయన జోస్యం చెప్పారు. కాంగ్రెస్‌ లో చిన్నచూపుకు గురౌతున్న పి.జనార్దన్‌ రెడ్డి, కోదండరెడ్డిలు తెలంగాణా ఉద్యమంలోకి రావలసిన అవసరం వున్నదని ఆయన అభిప్రాయ పడ్డారు.