సుప్రీంకు చేరిన రాష్ట్రపతి నివేదిక

న్యూఢిల్లీః గుజరాత్‌ ఎన్నికలపై కేంద్ర ఎన్నికల సంఘంతీసుకున్న సంచలనాత్మక నిర్ణయం వ్యవహారం చివరకు సుప్రీంకోర్టుకు చేరింది. ఈ వ్యవహారాన్ని ఎన్డీఏ ప్రభుత్వం రాష్ట్రపతి అబ్దుల్‌ కలాం కు నివేదించింది. ఆయన ఆ నివేదికను పరిశీలించి మూడుఅంశాలపై సుప్రీంకోర్టు సలహా కోరారు. ఇటువంటి సమయాల్లో రాష్ట్రపతి పాత్ర ఎంతవరకు వుంటుందనేవిషయాన్ని కూడా కలాం సుప్రీంకోర్టును కోరారు.

ఈ నివేదిక సుప్రీంకోర్టుకు చేరిందని, న్యాయమూర్తులు ఆ నివేదికను పరిశీలించి ధర్మాసనం ఏర్పాటు చేస్తారని సుప్రీంకోర్టు రిజిస్ట్రార్‌ చెప్పారు. సుప్రీంకోర్టు ఈ వ్యవహారంలో ఎటువంటి అభిప్రాయాన్ని వ్యక్తం చేస్తున్నదనేఅంశం ఆసక్తికరంగా మారింది.