చిట్టిబాబు శవం లభ్యం

విశాఖపట్నం: పీపుల్స్‌వార్‌ నక్సల్స్‌ చేతిలో హతమైన అనకాపల్లి పోలీసుస్టేషన్‌ కానిస్టేబుల్‌ చిట్టిబాబు శవం జి. మాడుగుల మండలం చిలమకొండ గుట్టల వద్ద లభ్యమైంది. రెండు రోజుల క్రితం చిట్టిబాబును నక్సల్స్‌ చంపేశారు. ఈ ప్రాంతంలో ఒక శవం పడి ఉన్నట్లు శుక్రవారం సమాచారంఅందింది. అయితే అది చిట్టిబాబు శవం కాకపోవచ్చునని అనుకున్నారు.

చిట్టిబాబు శవం కోసం శుక్రవారం ఉదయం నుంచి పోలీసులువిశాఖ ఏజెన్సీ ప్రాంతంలో గాలిస్తున్నారు. చివరికి అతని శవం దొరికింది.విశాఖపట్నం జిల్లా అనకాపల్లి, చోడవరం పోలీసుస్టేషన్లపై నక్సల్స్‌ వారం రోజుల క్రితం దాడి చేసి నలుగురు పోలీసులతో సహా ఒక హోం గార్డను తమ వెంట తీసికెళ్లారు. నక్సల్స్‌ తీసికెళ్లినవారిలో చిట్టిబాబు కూడా ఉన్నాడు. చిట్టిబాబునుమినహా మిగతా నలుగురిని నక్సల్స్‌ వదిలేశారు. పలు ఎన్‌కౌంటర్లకు చిట్టిబాబు కారణమని చెబుతూ నక్సల్స్‌ అతడ్ని చంపేశారు. చిట్టిబాబు విడుదల కోసం పోలీసులు చేసిన ప్రయత్నాలు, ప్రజా సంఘాలు చేసినవిజ్ఞప్తులు ఫలించలేదు.