యమదొంగ ప్రింట్లను ఎత్తుకెళ్లిన చిరు ఫ్యాన్స్

అమలాపురం: తూర్పు గోదావరి జిల్లా అమలాపురంలో మెగాస్టార్ చిరంజీవి అభిమానులు జూనియర్ ఎన్టీఆర్ నటించిన యమదొంగ సినిమా ప్రింట్లు ఎత్తుకెళ్లారు. అమలాపురంలోని రమా థియేటరుపై చిరంజీవి అభిమానులు దాడి చేసి ఆ చర్యకు పాల్పడ్డారు. దీంతో పోలీసులు కేసు నమోదు చేశారు. రమా థియేటరుపై దాడికి నిరసనగా అమలాపురంలో థియేటర్లను మూసివేశారు.

చిరంజీవి తనయుడు రామచరణ్ తేజ నటించిన చిరుత ఈ నెల 28వ తేదీన విడుదల కానుంది. ఈ స్థితిలో యమదొంగ సినిమా ప్రింట్ల అపహరణ ఎటు దారి తీస్తుందోననే ఆందోళన చెలరేగుతోంది. చిరుత సినిమాను చిరంజీవి ప్రతిష్ఠాత్మకంగా తీసుకుంటున్నారు. తండ్రి తగిన తనయుడిగా రామచరణ్ తేజ నీరాజనాలు అందుకోవాలనేది ఆయన కోరికగా కనిపిస్తోంది.