బాలకృష్ణ అభిమానులపై లాఠీ చార్జి

అనంతపురం: హీరో నందమూరి బాలకృష్ణ నటించిన "ఒక్క మగాడు" సినిమా విడుదలకు ముందురోజే ఉద్రిక్తతకు దారి తీసింది. అనంతపురం జిల్లా ధర్మవరంలో ఈ సినిమా విడుదల సందర్భంగా గురువారం రాత్రి బాలకృష్ణ అభిమానులు పెద్ద ఎత్తున ఒక థియేటర్ వద్దకు చేరుకున్నారు.

బాలకృష్ణ అభిమాన సంఘం నాయకులు యాజమాన్యాన్ని కలిసి టికెట్ ధరను 100 రూపాయలుగా నిర్ణయించాలని కోరారు. ఈ విషయాన్ని కొందరు ఆర్డీవో దృష్టికి తీసుకెళ్ళారు. ఆర్డీవో చర్యలు తీసుకోవడంతో ఈ విషయంలో థియేటర్ యాజమాన్యం చేతులెత్తేసింది. పోలీసులు కూడా రంగ ప్రవేశం చేసి అక్కడి నుంచి వెళ్ళిపోవలసిందిగా అభిమానులను ఆదేశించారు. దీనిపై మాటా మాటా పెరగడంతో పోలీసులు లాఠీచార్జి చేయవలసి వచ్చింది.