గర్ల్ ఫ్రెండ్ కు లక్ష కారు: సంజయ్ దత్

న్యూఢిల్లీ: తన గర్ల్ ఫ్రెండ్ మాన్యతకు లక్ష రూపాయల టాటా - నానో కారును బహూకరిస్తానని బాలీవుడ్ నటుడు సంజయ్ దత్ శుక్రవారం ఆటో ఎక్స్ పో కారు ప్రదర్శనలో చెప్పారు. దీంతో తన నానో కారుకు పారిశ్రామికవేత్త రతన్ టాటాకు బ్రాండ్ అంబాసిడర్ లభించినట్లయింది.

సంజయ్ దత్ ను నిజంగానే ఈ కారు విశేషంగా ఆకట్టుకుంది. నాలుగు కోట్ల రూపాయల విలువ చేసే కారు కన్నా ఈ లక్ష కారే ఆయనను ఎక్కువగా ఆకర్షించింది. ఈ నాలుగు కోట్ల కారును తన సన్నిహిత మిత్రుడు దిలీప్ ఛాబ్రియా రూపొందించారు. సంజయ్ దత్ కు కార్లంటే ఎనలేని మోజు.