సంజయ్ పెళ్లి డిక్లరేషన్ వెనక్కి

గోవా: దక్షిణ గోవా సబ్ రిజిస్ట్రార్ వద్ద దాఖలు చేసిన పెళ్లి నమోదు దరఖాస్తును ను బాలీవుడ్ నటుడు సంజయ్ దత్, మాన్యత ఉపసంహరించుకున్నారు. పోర్చుగీసు చట్టం ప్రకారం తమ పెళ్లి రిజిస్ట్రేషన్ జరగడం ఇష్టం లేకనే దాన్ని ఉపసంహరించుకున్నామని వారు చెప్పారు. 1954 వివాహ చట్టం ప్రకారం తమ వివాహాన్ని రిజిస్టర్ చేయాలని వారు కోరారు.

సంజయ్ దత్, మాన్యతల పెళ్లి ఈ నెల 7వ తేదీన జరిగింది. నివాస ప్రాంతానికి సంబంధించి రుజువులు చూపాలని గోవా అధికారులు మాన్యతకు నోటీసులు పంపారు. దీంతో పెళ్లి రిజిస్ట్రేషన్ వ్యవహారం వివాదంగా మారింది. దానికి తోడు మీరాజ్ - ఉర్ - రెహ్మాన్ అనే వ్యక్తి మాన్యత తన భార్య అంటూ పిటిషన్ దాఖలు చేశాడు.