సోనియా చెప్పిందేమీ లేదు: ఎమ్మెస్సార్

హైదరాబాద్: తమ సీనియర్ల సమావేశం ఇక జరగబోదని, ఇదంతా ఢిల్లీ ప్రభావమేనని సీనియర్ కాంగ్రెస్ సీనియర్ శాసనసభ్యుడు ఎం. సత్యనారాయణ రావు అన్నారు. తెలంగాణ రాష్ట్ర సమితి (తెరాస) రాజీనామాల వల్ల జరిగే ఉప ఎన్నికల్లో పోటీ చేయాలని తమ పార్టీ అధిష్ఠానవర్గం నిర్ణయించిందని ఆయన సోమవారం మీడియా ప్రతినిధులతో చెప్పారు.

తాను ఇక ఏ మాత్రం ఏ ఎన్నికల్లోనూ పోటీ చేయనని ఆయన చెప్పారు. హస్తినకు పోతే అంతేనని, మహాభారత యుద్ధం విషయంలో జరిగింది కదా అని ఆయన అన్నారు. సోనియా గాంధీ తమకు ఏమీ చెప్పలేదని, తాము చెప్పిన విషయాలపై కోర్ కమిటీలో చర్చిస్తానని మాత్రమే చెప్పారని ఆయన అన్నారు. సీనియర్ల వ్యవహారంపై తనేమీ మాట్లాడబోనని, ఏదైనా ఉంటే వారినే అడగాలని ఆయన అన్నారు.