బూటకం ఎన్ కౌంటర్లు లేవు: జానా

గుంటూరు: ఆత్మరక్షణ కోసమే పోలీసులు మావోయిస్టులపై కాల్పులు జరుపుతున్నారని హోం మంత్రి కె. జానా రెడ్డి అన్నారు. ఒక కార్యక్రమంలో పాల్గొనడానికి శుక్రవారం ఇక్కడికి వచ్చిన ఆయన మీడియా ప్రతినిధులతో మాట్లాడారు. అక్రమ ఆయుధాలు ధరించి కార్యకలాపాలు నిర్వహిస్తున్నవారిని అరెస్టు చేయడానికి వెళ్లినప్పుడు వారు పోలీసులపై కాల్పులు జరుపుతున్నారని, దీంతో పోలీసులు ప్రతిగా కాల్పులు జరుపుతున్నారని ఆయన అన్నారు. బూటకం ఎన్ కౌంటర్లు లేనే లేవని ఆయన అన్నారు.

బూటకం ఎన్ కౌంటర్ అని అనుమానించే వారు న్యాయస్థానాలకు వెళ్లవచ్చునని ఆయన అన్నారు. అక్రమాయుధాలతో చట్ట వ్యతిరేకంగా వ్యవహరించే వారిపై చర్యలు తీసుకునే విషయంలో వెనకడుగు వేసే ప్రసక్తి లేదని ఆయన స్పష్టం చేశారు. విజయవాడ విద్యార్థిని అయేషా హత్య కేసు దర్యాప్తు సాగుతోందని, ఈ కేసును సిబిఐకి అప్పగిస్తున్నామని ఆయన చెప్పారు.