కోర్టులో ఎమ్మెల్యో నాగం లొంగుబాటు

మహబూబ్ నగర్: మహబూబ్ నగర్ జిల్లాలోని కల్వకుర్తి ఎత్తిపోతల పథకం వద్ద జరిగిన ఘర్షణ కేసులో తెలుగుదేశం పార్టీ శాసనసభ్యుడు నాగం జనార్దన్ రెడ్డి మంగళవారం కొల్లాపూర్ కోర్టులో లొంగిపోయారు. తాను కేసులకు భయపడి లొంగిపోలేదని, న్యాయస్థానాలపై గౌరవంతో లొంగిపోయానని ఆయన మీడియా ప్రతినిధులతో అన్నారు. ఆ రోజు కొల్లాపూర్ శాసనసభ్యుడు జూపల్లి కృష్ణారావు మనుషులు గుండాల్లా వ్యవహిరంచారని ఆయన విమర్శించారు. ఈ కేసులో ఇప్పటికే జూపల్లి కృష్ణారావు కోర్టులో లొంగిపోయారు.

2005 డిసెంబర్ 23వ తేదీన తెలుగుదేశం, కాంగ్రెస్ వర్గాల మధ్య కల్వరుక్రి ఎత్తివేతల పథకం వద్ద ఘర్షణ జరిగింది. ఈ ఘర్షణకు సంబంధించి పోలీసులు ఇరు వర్గాలపై కేసులు నమోదు చేశారు. కాంగ్రెస్ నాయకులు పొన్నాల లక్ష్మయ్య, కె. కేశవరావు, మల్లు రవిలపై కూడా పోలీసులు కేసులు పెట్టారు.