తెలుగు తేజం డా.వేణుగోపాల్ విజయం

న్యూఢిల్లీ: తెలుగు వాడైన ఎయిమ్స్ డైరెక్టర్ వేణుగోపాల్ ను ఇంటిదారి పట్టించిన కేంద్ర ఆరోగ్యశాఖ మంత్రి అన్షుమణి రాందాస్ కు ఎదురుదెబ్బ తగిలింది.ఎయిమ్స్ చట్ట సవరణ చెల్లదని,ప్రొఫెసర్ వేణుగోపాల్ ను తిరిగి డైరెక్టర్ గా నియమించాలని సుప్రీంకోర్టు నేడు ఆదేశించింది.

ఎయిమ్స్ చట్టాన్ని 2007 ఆగస్టులో కేంద్ర ప్రభుత్వం సవరించింది. ఎయిమ్స్ డైరెక్టర్ పదవీ విరమణ వయసును 65 ఏళ్ళుగా మార్చారు. దాని ప్రకారం వేణు గోపాల్ ను సాగనంపారు. ఎయిమ్స్ లో ప్రభుత్వ జోక్యాన్ని అడ్డుకోవాలంటూ వేణుగోపాల్ సుప్రీంకోర్టులో పిటిషన్ దాఖలు చేశారు. దీనిపై కోర్టు నేడు ఈ ఆదేశాలను ఇచ్చింది.