సింహాచల స్వామి చందనోత్సవం వైభవోపేతం

విశాఖపట్నం: విశాఖ జిల్లాలోని పవిత్ర పుణ్య క్షేత్రం సింహాచలంలో వరాహ నరసింహస్వామి నిజరూప దర్శనమైన చందనోత్సవం అత్యంత వైభవంగా జరిగింది. వైశాఖ శుద్ధ తదియనాడు జరిగే ఈ ఉత్సవాన్ని కనులారా తిలకించడానికి రాష్ట్రం నలు మూలల నుంచే గాక ఒరిస్సా నుంచి కూడా భక్తులు పెద్ద సంఖ్యలో తరలి వచ్చారు.

స్వామి వారిని అర్చకులు మొదట సుప్రభాత సేవలతో మేల్కొలిపారు. ఆ తర్వాత ఆలయం తలుపులు మూసివేసి వేద మంత్రాలు, నాద స్వరాల ధ్వనుల మధ్య స్వామి దేహంపై ఉన్న చందనాన్ని తొలగించారు. తర్వాత వెండి కలశాలతో తీసుకు వచ్చిన పవిత్ర గంగా జలాలతో స్వామి దేహంపై ఉన్న చందనాన్ని తొలగించారు. ఆలయ ధర్మకర్త పూసపాటి అశోక్ గజపతిరాజు కుటుంబ సమేతంగా వచ్చి తొలి దర్శనం చేసుకున్నారు.