నా ఓటు తీసేశారేమో: మురళీమోహన్

హైదరాబాద్: తాను తెలుగుదేశం పార్టీకి మద్దతు ఇస్తున్నందున్నే తన పేరును ఓటర్ల జాబితా నుంచి తొలగించి ఉంటారని ప్రముఖ సినీ నటుడు మురళీ మోహన్ విమర్శించారు. ఓటు వేయడానికి గుర్తింపు కార్డుతో వచ్చిన మురళీమోహన్ కు నిరాశే మిగిలింది. పేరు జాబితాలో లేదని పోలింగ్ సిబ్బంది చెప్పడంతో ఆయన మండిపడ్డారు.

తనకు ఓటరు గుర్తింపు కార్డు ఉందని, జూబిలీహిల్స్ లోనే తన నివాసం ఉందని, జూబిలీ హిల్స్ క్లబ్ పోలింగ్ బూత్ కు కూత వేటు దూరంలో తన ఇల్లు ఉందని, అయినా తనకు ఓటు లేకుండా పోయిందని ఆయన మీడియా ప్రతినిధులతో అన్నారు. బహుశా తెలుగుదేశం పార్టీవారి ఓట్లను తొలగించి ఉంటారేమోనని ఆయన వ్యాఖ్యానించారు.