స్విమ్స్ తీరుపై మోహన్ బాబు ఆగ్రహం

తిరుపతి: తిరుపతిలోని స్విమ్స్ ఆస్పత్రి తీరుపై సినీ నటుడు మోహన్ బాబు ఆగ్రహం వ్యక్తం చేశారు. శాసనసభ్యుడు వెంకటరమణతో కలిసి ఆయన సోమవారం ఆస్పత్రిని పరిశీలించారు. స్విమ్స్ లో పరిస్థితి బాగా లేదని మోహన్ బాబు చెప్పారు. తన తల్లిని సాధారణ రోగిగా ఆస్పత్రిలో చేర్చినప్పుడు పరిస్థితి ఏమిటో తెలిసి వచ్చిందని ఆయన చెప్పారు.

ఆస్పత్రి తీరుపై ఎవరిది బాధ్యత అని ఆయన ప్రశ్నించారు. ఈ ఆస్పత్రిలో ఏం జరుగుతుందో తెలియడం లేదా అని ఆయన అడిగారు. బాధ్యత ఎవరిదో తెలియకపోతే తాను ప్రభుత్వానికి లేఖ రాస్తానని ఆయన చెప్పారు. స్విమ్స్ తీరుపై తాను ముఖ్యమంత్రి డాక్టర్ వైయస్ రాజశేఖర రెడ్డికి కూడా తెలియజేశానని ఆయన చెప్పారు.