మందకృష్ణ మాట తూలారు: జెపి

హైదరాబాద్: మాదిగ రిజర్వేషన్ పోరాట సమితి (ఎమ్మార్పీయస్) నేత మందకృష్ణ మాదిగ మాట తూలి గౌరవం తగ్గించుకున్నారని లోకసత్తా వ్యవస్థాపకుడు జయప్రకాష్ నారాయణ్ అన్నారు. మందకృష్ణ ఆక్రోశంతోనే తనపై ఆ మాట అన్నారని ఆయన శుక్రవారం మీడియా ప్రతినిధుతల సమావేశంలో అన్నారు. దిగజారుతున్న పరిణామాలకు ఇది నిదర్శనమని ఆయన అన్నారు.

ఐక్యత, రాజ్యాంగబద్ధ పోరాటాల ద్వారానే వివక్షను తొలగించగలమని ఆయన అన్నారు. కులం, పేదరికం వంటి సమస్యలపై పోరాటం చేయాల్సి ఉంటుందని ఆయన అన్నారు. మందకృష్ణ మాదిగ ఆక్రోశంలోని ఆంతర్యాన్ని రాజకీయాలు, సమాజం పట్టించుకోవాల్సిన అవసరం ఉందని ఆయన అన్నారు.