శ్రీనివాస్ విడుదలలో జాప్యం

హైదరాబాద్: ఎస్సీ, ఎస్టీ అట్రాసిటీస్ కేసులో అరెస్టయిన ఆంధ్రజ్యోతి ఎడిటర్ కె. శ్రీనివాస్, మరో ఇద్దరు జర్నలిస్టుల అరెస్టులో తీవ్ర జాప్యం జరుగుతోంది. వీరికి కోర్టు గురువారం బెయిల్ లభించింది. గురువారం పని వేళల్లో విడుదలకు సంబంధించిన ఆదేశాలు రాకపోవడంతో వారు విడుదల కాలేకపోయారు. దీంతో శుక్రవారం ఉదయమే వారి విడుదల పూర్తవుతుందని భావించారు. కానీ శుక్రవారం మధ్యాహ్నం వరకు కూడా వారు విడుదల కాలేకపోయారు.

నాంపల్లి కోర్టుకు బాంబు బెదిరింపు వచ్చింది. ఈ బాంబు బెదిరింపు కారణంగానే రిలీజ్ ఆర్డర్స్ లో జాప్యం జరుగుతోందని భావిస్తున్నారు. మధ్యాహ్నం మూడు గంటల తర్వాత గానీ ఈ రిలీజ్ ఆర్డర్స్ అందే పరిస్థితి లేదని తెలుస్తోంది. ప్రస్తుతం ఈ ముగ్గురు జర్నలిస్టులు కూడా చంచల్ గుడా జెళ్లో ఉన్నారు.